ജനാധിപത്യാസൂത്രണത്തിന്റെ പിന്നിട്ട വഴികൾ അസാധാരണ പുരോഗതിയുടെയും സാർത്ഥകമായ മാറ്റത്തിന്റെയും അനുഭവങ്ങളാണ് പകർന്നുതന്നത്. ഗ്രാമീണകേരളത്തിന്റെ മുഖച്ഛായ തന്നെ മാറി. കാൽനൂറ്റാണ്ടുകാലത്തെ വികസനാനുഭവങ്ങളുമായി നാം പതിനാലാം പഞ്ചവത്സരപദ്ധതിയിലെ അഞ്ചാം വാർഷിക പദ്ധതിയിലേക്ക് കടക്കുകയാണ്. പുതിയ കാലത്തിന്റെ ശാസ്ത്രനേട്ടങ്ങൾ ഉൾക്കൊണ്ടുകൊണ്ട് സുസ്ഥിര വികസനത്തിന്റെ സദ്ഫലങ്ങൾ നാടിന് അനുഭവവേദ്യമാക്കുക എന്ന ചരിത്രദൗത്യം നമ്മൾ ഏറ്റെടുക്കേണ്ടതുണ്ട്.

വിഭവങ്ങളുടെ പരിമിതികളും ഏറ്റെടുക്കേണ്ട ഉത്തരവാദിത്വങ്ങളുടെയും ജനകീയാവശ്യങ്ങളുടെയും ബാഹുല്യവും നമ്മുടെ മുന്നിൽ വെല്ലുവിളിയാകുന്നു. എങ്കിലും ഒരൊറ്റ മനസ്സോടെ ഏറെ ജാഗ്രതയോടെ ഒരു ടീമായി നാം മുന്നോട്ട് പോകുമ്പോൾ നമുക്ക് അത്ഭുതങ്ങൾ സൃഷ്ടിക്കാനാകും. നാടിന്റെ വികസനവും ജനങ്ങളുടെ ക്ഷേമവും മാത്രമാണ് നമ്മുടെ ലക്ഷ്യം. ഈ പ്രവർത്തനങ്ങളിൽ ആത്മാർത്ഥതയോടെ സഹകരിക്കുകയും സഹായിക്കുകയും ചെയ്യുന്ന ജനപ്രതിനിധികൾ, ആസൂത്രണ സമിതി അംഗങ്ങൾ, വർക്കിംഗ് ഗ്രൂപ്പ് അംഗങ്ങൾ, ജീവനക്കാർ തുടങ്ങിയവരോടെല്ലാം നന്ദിപൂർവ്വം സ്മരിച്ചുകൊണ്ട് ഈ വാർഷിക പദ്ധതി രേഖ വിനയപുരസ്പരം സമർപ്പിക്കുന്നു.